بسم الله الرحمن الرحيـم\
اما بـعد ...,
هذا القصـه ياعضاءنا المؤقريـن تحكـي أن رجـل مـرض والده واراد ان يـعالجـه وهذا الرجل زوجتـه متوفـيه ولـديـه إبـن صـغير إلـيكم أحداث الـقصـه !!
وجـدي كما اللـي ماتـريـح بدنـيـاه يرفـع يدينـه يـم ربــه ويرجـيـه
يالله يالمعبـود تـمـسـح خـطـايــاه وتفكه من اللـي عـن النـاس حاديـه
مسجـون والمسجـون سبـة سوايـاه درب الخطا غصب(ن)على النفس تمشيه
ابوه طاح مـن المـرض مالقـى دواه وداه للدكـتـور ضـنـه يــداويــه
فحـص عليـه وقـا ل ويـلاه ويـلاه وده لـلـنـدن كـــان تقـدر تـوديـه
وانـكـان ماتقدرتصـبـر بـمـاجـاه ربك هواللـي مـن السرطـان ينجيـه
كسروحـسـب مـد كـفـه بـمخـبـاه فتـش ومايلـقـى لـوريـال يجنـيـه
مديـون والمديـون وشـلـون يلـقـاه مايمـلـك الا جـمـس باقساط شـاريـه
قــام يترفـد مـد للـنـاس يـمـنـاه كلـن يقـول اذلـف ولانـي بمعطيـه
عزي لمن حده زمانـه علـى اقصـاه يجدى وينخى ميـر محـدن نضر فيـه
وقـت الرخـى ياكثرمـن قـال نفـداه بالمـال والا الجـاه بـالـروح نفـديـه
وقـت الشدايد كلـن يـقـول فـرقـاه مالـي ومـالـه ثــم روح مخلـيـه
خلـوه فـي فقـرن وهمـن ومأسـاه اطيبهـم اطيبـهـم بهـرجـه يهـديـه
ايــس وقـــال العبد لابـد مـثـواه في وسط قبرن بابيض الخـام نطويـه
عـود لـداره يــوم كـلـن تبـاطـاه هو يحسبـن النـاس قـدمـه تحاتـيـه
مايـدري بصكـات بقـعـا تـحـراه فـي وسـط بيتلـه بالاقسـاط بانـيـه
البيـت محترقـن مـن اعـلاه لادنـاه والـورع يبكـي والقصيـره تحاضيـه
امـه تـوفـت والمصـايـب تقـفـاه ماتـت ولاحـدن بالمصيبـه مواسيـه
مغيرورعـن قطـع القـلـب ببـكـاه الياتخـيـل صــورة امــه تبكـيـه
عـزي لمـن كثـرت بلاويـه عـزاه ياقوبـاسـه يــوم عقـلـه مقـديـه
ثم جـاه رجلـن خايبـن فـي نوايـاه فعلـه خبيـث ولابـه احـدن يسويـه
ابشر بما تبغـى مـن المـال والـجـاه ونسفر الوالد عسـى الــرب يشفـيـه
بيتـك نعوضلـك قـصـورن مبـنـاه ووليـدك الـلـي مبتلشـبـه نربـيـه
اطلـب وانا اعوضـك باللـي تمـنـاه لكـن عـنـدي شــرط لازم تلبـيـه
قالو ونيتـك يطـرب الحـال ممـشـاه جمـسـن جديدوجيـداتـن مواطـيـه
اجلـب حشيشـن راس مالـه دفعنـاه ماباقـي الامـن السـواحـل تعـديـه
ثم قال حاضر كـل هرجـك حفضنـاه مـن حر مايونـس بصـدره ويخفـيـه
غير زيـوتـه والـتـوانـك مـعـبـاه ضبـط بلاكـاتـه وغـيـر بواجـيـه
هفـه وقـال المـوت حـق وعرفنـاه والرزق عنداللي مـن المـوت يحييـه
حمـل وعود قـام بالحـيـل يشـضـاه يـوم التفـت لجيـوب شهبـن تباريـه
وقـف ورقمـك يالمهـرب كشفـنـاه ايـن المفر وموتـك الـيـوم تحـريـه
دزه يبـى الصمـان والنـور طـفـاه يومـنه فـي جمسـه بعيـده هقـاويـه
متعديـن دبـي مـع اللـيـل ســراه والرمي من حولـه يصيبـه ويخطيـه
داراللصافـه عــن يميـنـه تـعـداه يبغى اللهابـه يـوم ضاقـت مساعيـه
وجه على الصلـب الحمرقـام ينحـاه اضـن سـدره عـن نضرهـم يذريـه
مـايــدري ان الهيلاكبـتـر تـعـلاه من فوق راسه تكشـف اللـي مغطيـه
وجيوب شهبن عن هوى النفس تحـداه ومسلـحـه بعيارخمسـيـن ترمـيـه
اللي علـى الرشـاش حقـق بمرمـاه هفـه عـلـى كتـفـه الياميرمعمـيـه
ثـم اطـرحـوه الله يعيـنـه بـبـلـواه عزي لمـن رصـت كلبشـات بيديـه
حـراس مـن حولـه يمينـه ويسـراه والشيـخ مـن قدمـه يحقـق بماضيـه
قـال المحامـي واتـبـرع بـدعـواه وازرى المحامي من القضيـه يبريـه
ثــم اعلنوا سجـنـه مؤبدحكـمـنـاه ماعاد يطـلـع كود عـمـره بينـهـيـه
وابـوه مــات ولالقـالـه مـراعـاه وولـيـده بداراليـتـامـى تـغـذيـه
هذاقصيـدي يـوم جبـتـه عـلـى آه ياليـت بعـض النـاس تفهـم معانيـه
الطيـب الطيـب يـمـوت وفقـدنـاه والاالـردي لومـات محـدن ابَاكـيـه
